Hit the Road (已結業)

今日返總公司上堂，即刻約好友收工飲咖啡，佢介紹呢間一齊試，商業大廈嘅高層，上到去地方唔大卻很舒服，好似北歐家局感覺，木傢具加布梳化，好舒服，坐咗張小方枱，餐牌食物簡單，問咗店員啲意見之後，落單食物慢慢到！可以慢慢傾下偈！晚餐：餐湯--忌廉蘑菇湯：紅色有耳杯，湯好熱，蘑菇打碎好香濃，沾上香脆多士好好味！蜜糖烤雞扒配蕃茄蔬菜炒意大利粉（$144）簡單嘅雞扒一啲都唔簡單，烤到好似叉燒咁，雖然厚肉，入面熟又唔乾，好正好好味！意粉加好多蔬菜，意粉有咬口，炒完乾身又夠味！好味！跟餐Flat White(跟餐加$20，散叫$34）心形拉花，咖啡唔大杯，咖啡夠濃又唔澀，唔落糖都飲到！薯條（$45）加入香草，炸得香脆乾身，唔點茄汁都夠味！清晒！Apple Crumbles with Vanilla ice-cream($55)平時我唔鍾意蘋果嘅甜品，今次改變晒，雪榚香滑有呍呢嗱味，蘋果加脆脆好味，蘋果外軟仲爽口，酸甜好味！店員斯文有禮，上菜收碟都會問一聲！期間又無騷擾，好舒服傾一晚！只收現金！廁所乾淨