影片
更多
2017-08-07
799 浏览
睇咗好多遍食評都讚呢度嘅三色丼質素高，而且其他食物亦唔錯，性價比高，心動咗好耐，終於就到時間午巿嚟食喇。我哋一行二人加個Bb嚟到，職員微笑有禮帶我哋坐喺窗口位，餐廳唔大但樓底夠高，用竹簾隔住陽光，有少少陽光透入，感覺好舒適。食物嚟嘅速度唔會太急，枱上亦唔會無晒嘢食，而呢度嘅枱都好闊落，唔會唔夠位擺。雖然食物種類唔太多，但質素亦唔錯，價錢唔貴，值得一試。餐廳窗外透入嘅光線柔和舒適。主食我哋揀咗三色丼（拖羅蓉，海膽，三文魚籽）以及六成熟嘅安格斯牛肉眼扒。我一直都唔鐘意食吞拿魚，因為無嗰種油脂喺口，但係呢度嘅三色丼裏面嘅拖羅蓉好味，入口有油脂感，質地軟滑，海膽同三文魚籽亦唔錯。安格斯牛肉眼扒有牛味，個汁同牛扒好夾。胡麻豆腐沙律，角切魚生沙律，份量啱啱好，啲汁幾開胃。刺身新鮮而且切得大件厚身，有甜蝦，三文魚，鯛魚，油甘魚，八爪魚五款，其中三文魚及油甘魚較出色。壽司都唔錯，劍魚腩同帆立貝最好味。炸物嘅雞翼夠味，但外皮無炸脆，芝士年糕外面亦淋，有油滲出，炸蠔唔錯，脆卜卜。明太子玉子嘅蛋滑啲會更好。三文魚鰭好味，充滿油脂。雞軟骨幾好，唔會太乾。冬菇裏面軟淋淋，味可以濃啲更好。牛舌夠厚身七味魷魚好韌，
餐廳窗外透入嘅光線柔和舒適。
主食我哋揀咗三色丼（拖羅蓉，海膽，三文魚籽）以及六成熟嘅安格斯牛肉眼扒。
我一直都唔鐘意食吞拿魚，因為無嗰種油脂喺口，但係呢度嘅三色丼裏面嘅拖羅蓉好味，入口有油脂感，質地軟滑，海膽同三文魚籽亦唔錯。
安格斯牛肉眼扒有牛味，個汁同牛扒好夾。
胡麻豆腐沙律，角切魚生沙律，份量啱啱好，啲汁幾開胃。
刺身新鮮而且切得大件厚身，有甜蝦，三文魚，鯛魚，油甘魚，八爪魚五款，其中三文魚及油甘魚較出色。
壽司都唔錯，劍魚腩同帆立貝最好味。
炸物嘅雞翼夠味，但外皮無炸脆，芝士年糕外面亦淋，有油滲出，炸蠔唔錯，脆卜卜。
明太子玉子嘅蛋滑啲會更好。
三文魚鰭好味，充滿油脂。
雞軟骨幾好，唔會太乾。
冬菇裏面軟淋淋，味可以濃啲更好。
牛舌夠厚身
七味魷魚好韌，好大力扯都咬唔開。
日式蒸蛋好滑。
巨峰乳酸特飲以及白桃乳酸特飲。
张贴
