Cafe Prince Royal

第一次係誤打誤撞, 想搵間cafe kill time, 隨意入咗呢間。估唔到啡做得唔錯, 書架上仲有尐書可以借閱, 其中一本我非常有興趣, 自始每逢嚟太子就會入去飲啡同睇書。

環境舒適, 通常我下午或傍晚去, 唔逼, 店內一般有6-8個客, 都係文靜嘅, 所以都幾好坐。

我每次都點一杯咖啡, 多數係Flat White, 今晚試海鹽焦糖鮮奶咖啡, 味道討好 👍🏻 有驚喜。
有次點咗件蛋糕, 店員話都係入貨返嚟賣, 我覺得就普普通通。

熱食未試過, 評價唔到。但飲啡嚟講係一個好地方。