山見台式火鍋 (PopCorn 1)

营业中

休息中

去將軍澳探朋友，响佢屋企坐咗陣，之後就落樓搵野食，入咗山見台式火鍋打邊爐。晏晝唔食咁貴，所以我地只係叫Level 1 100分鐘任食，不過已經有齊牛🐮、豬🐷、雞🐥。牛肉係嫩肩里肌肉，肉質OK嘅，又唔會話好多脂肪；豬肉係梅花肉，肉香都唔差；雞肉係醉雞件，食落都有雞味。湯底揀啲左椰子雞湯，椰水味夠嘅，但雞味略遜，唯有自己叫多幾件雞加落去滾啦😂自助區都算多野揀，蔬菜、丸類、熟食、甜品，特別係有水蓮，去親台灣都食，鍾意佢嘅爽脆口感。另外仲有好大個雪櫃，飲品種類雖然未算係好多，但都算有得揀下，鍾意飲佢地嘅冷泡茶，清清地又可以去膩。整體環境及座位算係闊落乾淨，坐得舒服嘅。