百樂潮州酒樓

行完街求其搵間嘢食，睇過佢哋嘅二人套餐，勝在唔使諗又啱食，被安排入座小房，夠清靜！
二話不說，每人2杯功夫茶！

小喝多滋味

隨後來個懶人二人餐

懶人二人餐

魚都有咁多款

個餐牌啲相好靚

食夠＄400有川椒雞送！冇話特別好食，但係川椒雞唔係辣嘅咩？一啲都唔辣㗎！

似湯多d

我一向唔食鴨同鵝嘅！但係呢度嘅滷水鵝，我一連氣食咗幾舊喎！真係幾好食！亦估唔到跟餐都係大大碟，冇扣起一啲喎！個底仲有豆腐，都好入味！

滷水鵝肉大大件

苦瓜排骨煲，普普通通！剩晒！

係送嘅

條魚蒸得好滑滑，唔會太濃味！

啲肉滑脫脫

好清，唔似好夠火侯，可能無乜其他材料一齊燉啦，只有青檸水感覺

似青檸水加鹹味

二人價

按價錢，座位舒適度，招呼，款式，我覺得雖然食物無好突出，但都ok嘅！