寶寶雞煲 (已搬遷) 新店位置

因為好朋友好想搵晚食雞煲, 擇日不如撞日!網上訂位, 今晚7:45 帶就同幾位好友試推介位於太子的寶寶雞煲. 喜歡寶寶雞煲原因就是因為我很喜歡這裡的香辣雞湯底. 跟手就先落個湯底, 半隻雞 ($88 冰鮮), 呢度可以選($138 新鲜雞)講老實, 半隻雞, 5個人, 5分鐘, 每人約2-3件就KO! 冰鮮同新鮮又有何所謂? 最緊要個湯底同配料. 如果食辣湯底, 個人會點窩笋, 因為本身清甜爽口, 同時亦不會太索汁, 跟辣吃非常配!這一晚點了約20多款配料, 整體都不錯, 本來高期望的手切牛略嫌不夠牛味及未有嚼勁. 而響鈴亦炸得不及格, 還未夠鐘已經上岸, 變得不夠脆而且有點油身. 這裡都幾多內臟選擇, 天梯, 黑柏葉, 白肺, 雞什等.... 上次試過豬天梯(喉嚨), 真的麻麻, 個人覺太硬及個味有點難啃. 所以今次朋友選了內臟大腸及雞肝, 食材新鮮及材料清潔得乾淨.手打蝦滑,炸魚皮, 脆肉鯇, 午餐肉, 韮菜餃, 山水豆腐同豬紅都出色! 再加埋4枝大青島, 5個人嘻嘻哈哈, 由8:00食到10:30, 每人都盡慶而歸!最重要今日坐上客其中一人是我近期很喜歡的紅人, 多謝你!埋單都不