Restoran SAYA

营业中

休息中

明明系米芝莲必比登2023推介，唔知点解假日午餐食客唔多。装修别致，泰国民族风情配湖水绿主色，几啱打卡。枱与枱之间好阔落，坐得好舒服。*泰北咖喱金面 Khao soy $128椰汁咖喱汤浓郁，香浓唔会太辣，似汁多过汤，配搭各种香料，芫荽、紫洋葱、红葱酥、青柠汁，口感味道都好丰富。鸡蛋面有嚼劲，有啲似扁意粉，但未够索汁。炸鸡蛋面酥脆，索汁后变得半脆半软。炭烤鸡腿焦香够腍，但份量比较少。泰北辣肉碎生菜包 Larb Muang Moo $128猪肉碎、猪耳、炸蒜、红葱酥，加埋炸猪皮，口感非常丰富，辣度十足，但肉碎比例上唔多。包住新鲜生菜，加埋九层塔、薄荷叶，不败组合。泰式炭火盐烧鱼 Pla Phao $268将鱼皮铺上一层粗盐，腹腔包入斑斓、香茅、柠檬叶，再用火烧。鱼肉非常嫩滑好juicy，香料味道偏淡。戴手套撕鱼肉包米线、生菜、薄荷叶，再点汁，一个偏辣、一个偏甜，好好味，估唔到生菜包鱼可以咁正。泰式椰子咖啡 Young coconut coffee $68椰奶沙冰配浓缩咖啡，味道完全唔甜，椰子味道好香，但盖过咗咖啡味。