AFTER TEN (已結業)

辛苦咗成個星期，非常需要一個舒適嘅地方放鬆心情，行過見到幾間新開嘅cafe，二話不說就揀咗after ten歎個lunch。Cafe環境唔錯好乾淨企理，簡約清新嘅裝修俾人一種寧靜嘅感覺，坐位唔多，可以容納到10人左右。野食方面當然有咖啡同甜品，仲有提供輕型嘅西餐。奶油雞肉蘑菇可樂餅($98)，賣相超級吸引，本來以為係輕食，估唔到係有2份可樂餅，而已脹卜卜感覺到有好多餡料係入面，旁邊仲有少少沙律。可樂餅皮有薄得黎外圍有少少焦脆，而雞肉蘑菇混入奶油後非常細滑，味道唔會太重亦都唔膩。不過如果細食嘅話，一個人食會好飽，可以同朋友share~凍可可朱古力($42)，連杯墊都係襯番杯飲品，好有心思！朱古力味好濃郁，又唔會好甜。