酒鍋 (V Point) (已結業)

中午打邊爐😎($128)未試過銅鑼灣分店，估唔到環境超好，仲可以望海添，而且坐得舒服，岩曬中午黎食個舒服既午餐。司令身為邊爐控，今次直情去食返個邊爐午市😎。唔想食辣所以揀左個沙嗲牛肉鍋，前菜已經相當豐富，有刺身、沙律、小籠包、老火湯，夠曬中西合壁😂。個鍋好快就上枱，配一份粉絲，鍋入面有大量牛肉，配菜有菜、丸、豆腐、台灣腸，原先望落唔多，但食起上黎都幾飽，細食啲都食唔曬喎😂。最後仲有個奶凍做甜品，勁滿足！