美滋鍋 (家樂坊)

营业中

休息中

小朋友終於出院，可以同細妹二人去打邊爐放鬆一下。天氣咁鬼熱最怕佢嗰啲又逼又坐得唔舒服嘅地方打邊爐，呢一度環境好舒適，乾乾淨淨，座位又坐得寬鬆一入到去店員就已經介紹一個調味料吧，各式各樣嘅調味料都有，仲有一啲涼拌小食同埋生果。坐低之後店員好細心介紹點樣用tablet去點餐。我哋點左養生藥膳醉雞鍋，以及維他命C蕃茄粟米鍋。一嚟到嘅時候店員叫我哋唔好再加湯住可以飲下啲湯先，湯底果然超級濃郁，藥膳湯底酒味好勁。佢嘅食物可以叫全份或者半份，除咗肉類之外我哋其他都係叫半份，材料來講全部食物都好新鮮，我哋叫咗兩件美滋鍋自製魚豆腐，這個魚豆腐很特別，佢有豆腐嘅香味亦都有啲好似成丸類嘅彈牙感覺。走嘅時候仲見到原來有一個小朋友玩嘅地方不過疫情關係暫時沒有開放。服務超班，每一樣食物放上枱面嘅時候店員都會話俾我哋知要煮幾耐同埋係啲乜嘢食物，仲會好細心留意我幫我哋加湯。買單嘅時候，餐廳仲好細心安排一個金桔沙冰，酸酸甜甜嘅味道啱晒啲咁熱嘅天氣。