尚鮮海鮮料理 (已結業)

繼上次一齊打邊爐食到大家好滿足之後，大家意猶未盡，今日又黎打邊邊🤪大家口味唔同，有人鍾意食魚生，有人鍾意手打魚丸，所以就揀左呢間咩都有既火鍋店，滿足哂大家既願望😏店員話每日都會有海鮮直送，推介我地食章紅魚刺身，跟著我地再揀左尚鮮刺身四式刺身既賣相同平時食日本刺身唔同，有種中日fusion feel, 好特別果然冇介紹錯章紅魚，印象中從未食過呢款魚，味道質感同平時刺身截然不同，有texture 得黎，厚薄岩岩好，唔會鞋烚烚鮑魚好爽口，有海水鮮味夠大隻，幫我地一開四，份量岩岩好鮮牛肝菌昆布，除左牛肝菌，仲好多款菇牛肝菌好特別，從來未食過，佢吸收左昆布湯底，所以食落好正朋友鍾意食手打魚丸，所以我地叫左四色丸尚盛有墨魚丸、蝦丸、豬肉丸同牛丸其中兩款有餡，店員好細心提我地小心燙口😜我食呢款牛丸有芝士餡，好有心思，又幾好味蝦丸見到個蝦形，好足料，又彈牙，正🤣肥牛掂👍🏻冇根，厚薄適中白鱔片，大家都諗會唔會好鞋口佢切得夠薄，放落鍋一陣拎上黎食非常嫩滑飲埋杯青檸梳打、洛神花茶更加開胃