Dazzling Cafe (The ONE) (已結業)

係尖沙咀行左一輪，等埋朋友就一齊黎左依間dazzling cafe ，靜靜地享受一下下午茶。😋未入到去，係出現望已經好有少女感覺😂成間舖頭都係粉紅色，好少女呀~~~😂個日係平日，而且係下晝3點幾，所以人唔係好多，唔洗排隊就已經可以入去，環境係幾舒服😌入到去我地就點左一份繽紛草莓冰淇淋鬆餅🧇、一份松露薯條🍟、一杯latte ，朋友就點左一杯紅茶。繽紛草莓冰淇淋鬆餅🧇份量都幾大，鬆餅外脆內軟，有三隻醬可以選擇，分別草莓、煉奶同埋蜂蜜，草莓都算甜，可能我唔係太鍾意啲cream😂所以我冇食晒啲cream，不過cream都唔會太過腻，另外士多啤梨雪糕係入面有啲粒粒士多啤梨蓉喺入面。呢個配搭係幾好食😋松露薯條，應該啱啱出爐，所以好熱，好食的，都係外面好脆裏面就有少少軟。Latte 糖漿另上，所以可以自己選擇適合嘅甜度Dazzling cafe 環境舒適，嘢食有幾好食，咁就同朋友舒舒服服過了一個下晝🤣