Bayside Brasserie (已結業)

瑞午節見天氣咁好,於是去赤柱行吓,之前冇上網看食評,一心諗住去美利樓揾食實有合意的,點知一係好貴,平少少的又唔啱食,於是行番轉頭,見到bayside 下面有份menu ,睇吓先,食物種類都幾多,而且都幾啱食,但當時冇發覺呢間係意大剁餐廳噃,見到有咖喱,泰式食物和薄餅,於是上去揾番個位坐吓先,當時三點幾,都幾多人,所有近窗位都有人,後來近窗位有人走,我問可否轉過去,點知話要留位,唯有坐番原位,遠望天空啦.叫了個tropicana pizza,係薄批,外邊脆,批中間有好多芝士,十分軟熟,都幾好味,但係杯凍奶茶就好唔得,一D都唔香,無奶茶味,頞然想起外國奶荼係唔似我地咁香奶茶味,只係茶包加花奶而爾有個自稱來自尼泊爾的男待應服務很熱誠,真係要讚吓佢,埋單時正如之前食評話佢地放下張單就走了去,可能本意係唔想望住個客攞錢出來咁尷介,理念不錯,但我相信比D不負責的侍應破壞了這原意,因他們奉旨放低張單就走開,我想問吓收唔收咭,點知轉頭己唔見咗人,走咗去同第二個傾偈,問都唔采,原來當時我係同天氣講野,整到我戇居居,其實行開唔駛走開咁遠,應睇吓有咩可幫倒客人,可惜比人濫用了,應該留意總體來說,此午餐都食得