Petit Deli (已結業)

今日4位ladies終於約得成食晚餐，又係約左晌大家的中間點--尖沙咀。呢間餐廳係朋友揀的，地方都唔難搵，尖沙咀站N2出口直行一陣就見到。可能星期三少d人，我地book左7pm, 但大家都遲到，佢地都肯留枱俾我地，實在太好！水牛城雞翼$68 - 單骨方便食，不過加埋應該都係得3隻左右，味道少少辣，呢個價錢黎講有d貴煙三文魚雜菜卷 $78 - 得三舊唔夠我地4個lady分，三文魚中間夾住沙律，外層薄青瓜，清清地做頭盤幾好。芝士薯條$68, 唔夠芝士，有d似m記薯條加左熱浪味的調味粉，焗到脆脆地，ok啦黑松露菌薄餅$128 - 菇菌量好足，咬落都juicy, 餅底可以再脆d雞扒香煎南瓜飯餅$168 - 賣相不錯，雞扒焗到有d焦黑，但焗完都唔乾身算係咁。個飯底以為煎得再脆d, 唔係太食得出有南瓜味。本身限時要8:30還枱，好在平日唔多人無趕我地走，最後傾計傾到9:40埋單，中途waiter不停幫我地refill暖水，服務不錯！4位ladies唔大食，除返每人$140左右，不過份量唔大件，對男士們黎講可能要叫多d先夠飽了！