朱敏記桑拿菜 (已結業)

大排檔多數比人感覺熱辣辣座室外多呢日去開土瓜灣搵到間室內大排檔，涼住冷氣食舒服好多，環境仲要企企理理。叫左呢度最出名既農窯雞食，農窯雞，大大隻 ，肉質嫰滑，鎖住肉汁可以手撕來吃，啖啖肉，非常滋味送飯一流吖～仲有非常吸睛特大杯檸檬茶，送到黎真係比杯野嚇親，甘大杯真係食飽成餐飯都未飲完呀。食物多樣化你想食既呢度都有，海鮮啦，酸菜魚，打冷，打邊爐；估唔到連團年飯必有乳豬全體都有。下次約多啲朋友嗌多幾款餸先。