影片
更多
2018-11-01
28 浏览
《Texas Burger》 #食在旺角 #漢堡包 📍旺角亞皆老街8號朗豪坊12樓1A號舖朗豪坊近頂樓LIVE STAGE旁有間新新地既Burger，既然話得係全港十大最佳漢堡餐廳，一於試下有咩唔同。餐廳座位不多，但勝在開揚。玻璃幕牆有少少陽光打入黎，好有holiday mood。如果撞正LIVE STAGE有表演，邊食邊睇就正了！______________________________🔸香煎牛腹扒沙律 $88 (+$28 軟殻蟹)牛腹扒切粒碎上，同我想像中一塊過有出入，但食得更方便。沙律菜夠多，仲有車厘茄。另外想食得豐富啲，加左軟殻蟹。一般外面軟殻蟹都係碎上，但依到+$28係原隻炸軟殻蟹上，大概手掌心咁大，抵加！粉唔厚，咬落唔會太硬，但又有啲酥脆，好食！🔸藍芝士牛肉漢堡 $88(+$66 升級套餐: 是日精選奶昔+薯條+酸青瓜）先講主角，手打的牛肉食起黎唔會好鬆散，又唔會好實，食得出烹調嘅時候冇用太多嘅調味料，反而著重於佢嘅牛肉味，至於點解？就係因為第二主角嘅存在，藍芝士。對於漢堡黎講，芝士擔當住一個好重要嘅位置，可以將整個漢堡嘅色香味昇華。而呢個漢堡用上藍
📍旺角亞皆老街8號朗豪坊12樓1A號舖
朗豪坊近頂樓LIVE STAGE旁有間新新地既Burger，既然話得係全港十大最佳漢堡餐廳，一於試下有咩唔同。餐廳座位不多，但勝在開揚。玻璃幕牆有少少陽光打入黎，好有holiday mood。如果撞正LIVE STAGE有表演，邊食邊睇就正了！
______________________________
🔸香煎牛腹扒沙律 $88 (+$28 軟殻蟹)
牛腹扒切粒碎上，同我想像中一塊過有出入，但食得更方便。沙律菜夠多，仲有車厘茄。另外想食得豐富啲，加左軟殻蟹。一般外面軟殻蟹都係碎上，但依到+$28係原隻炸軟殻蟹上，大概手掌心咁大，抵加！粉唔厚，咬落唔會太硬，但又有啲酥脆，好食！
🔸藍芝士牛肉漢堡 $88
(+$66 升級套餐: 是日精選奶昔+薯條+酸青瓜）
先講主角，手打的牛肉食起黎唔會好鬆散，又唔會好實，食得出烹調嘅時候冇用太多嘅調味料，反而著重於佢嘅牛肉味，至於點解？就係因為第二主角嘅存在，藍芝士。對於漢堡黎講，芝士擔當住一個好重要嘅位置，可以將整個漢堡嘅色香味昇華。而呢個漢堡用上藍芝士，一種好似雲石紋理嘅芝士，以前只有富貴人家先食到。由於藍芝士有好濃烈嘅味道，呢點正正解釋左點解牛肉只需要簡單調味就可以了，但對我呢個芝士控黎講，仍然略嫌味道不夠強烈，所以我加配左酸青瓜，切開一小條放入漢堡一齊食，咁就最正了。
．
環境分數: 8/10
食物分數: 8/10
张贴
