壽司絆

营业中

休息中

7/5（日），約左朋友食呢間壽司絆，但因黃雨關係朋友未到，我就自己入去先。一趟開門感覺十分良好，光猛企理，天雨關係人又少，好適合慢慢食同同朋友好好傾計🥰我哋叫左一個 牛肉烏冬六貫壽司定食（55蚊） 同 帆立貝蝦三文魚丼飯（65蚊）。牛肉烏冬無乜特別，但六貫壽司頗為出色，尤其係蝦同鰻魚都十分新鮮，55蚊嚟講性價比超值。丼飯方面，友人表示所有刺身都十分新鮮，味道一流。而且份量不多，正好留肚試下其他壽司👍我哋之後仲叫左火炙系列嘅黑椒蝦，三文魚，帆立貝同左口魚。因為太吸引相機就無機會食先啦😂本人尤其中意黑椒蝦同三文魚，火炙完之後仲保留到食材鮮味，認真不俗。食完之後由於天雨持續，一坐就差唔多兩個鐘。可能人少少，店員無顯得不耐煩，仲係我哋走嘅時候好nice咁全員同我哋拜拜😜見你哋咁好service食物又得，好啦下次見🤭