渝味曉宇重慶老火鍋 (渣甸中心) (已結業)

因為<舌尖上的中國人>而認識渝味曉宇，今日終於有機會帶媽子去試下一試！ 一入座，店員已經奉上紅棗雪耳糖水，清甜暖胃。湯底有傳統9宮麻辣火鍋及鴛鴦鍋，雖然好想試九宮格，但怕太辣，就叫左大骨滋補湯+普通麻辣湯($38/位+$20/位配料)，大大件豬骨，骨髓精華都入哂湯裡面，麻辣湯辣度香料十足，完全係四川地道配料。店員好窩心，話正宗四川火鍋係要配蔴油蒜蓉及香蔥，仲好好人咁幫我配左呢大碗醬料，三種配料集在一起，味道特別香，食物浸完麻煩火鍋後點上蔴香，分外開胃。孝禹十味，叫左其中五項：稻田毛肚($112)曉宇嫩牛肉($81)重慶耗兒魚($79)曉宇苕粉($51)紅糖糍粑($69)再叫左份-美國安格斯優質肥牛($208)每項都鮮味十足，毛肚夠爽口，牛肉及肥牛肉質夠嫩口。魚係一條條上，魚肉鮮味突出，所以好深印象。苕粉煙煙靭靭。最後食埋紅糖糍粑作飯後甜點，軟綿口感，甜度剛剛好。