名寶石餐廳

营业中

休息中

同老公行花墟前到此地食個lunch，這間位於太子站，一間有歴史的餐廳。由紅寶石變成名寶石，很有90年代懷舊餐廳的感覺，環境好整潔舒服，有落地玻璃窗配經典佈置好懷舊，單看門面不大，但原來尚有閣樓，樓上雅座窗邊座位不多，可觀看街景，可以說油尖旺可以從二樓望落街看路人的餐廳一定不多，甚至是絕無僅有呢。不過大家留意是一樓，沒有電梯和升降機，要行超過十級樓梯級，若有老人家就有點不太方便了。第一次食，食物質素水準唔錯，食物選擇非常多，味道亦可，職員有禮，招呼好，大部份都係熟客。最愛自家名寶石餐湯，足料好味，好有兒時風味，麵包有牛油味，布丁同啫喱，建議食布丁，芒果布丁好味。總結，性價比一般，但整體食物質素理想。