郁鍵快餐

营业中

休息中

讀小學嗰陣每日返學都必經呢條街，印象中只係得兩間食肆，分別係廣記同郁健，但我通常都係選擇去廣記食車仔麵，依家廣記結咗業，只留下另一間郁健快餐店，難得咁多年外觀無變，可以集體回憶一番。今日食早餐A ，餐肉、火腿、煎蛋米配凍檸茶，其實無乜特別技巧，只係將一啲好簡單嘅食材煎香煮熟，但入口就充滿一分回憶。坦白講味道唔錯，起碼有誠意先，餐肉有煎香先上碗，蛋香但略嫌未夠滑，湯底味精不多，食完無話口渴，唯一不滿係食材份量偏小，火腿同餐肉各半片，檸茶係我每天早餐靈魂所在，呢間傳統小店的確做得唔錯，茶味香濃。價錢更加大眾化，$27蚊包凍飲。