影片
更多
2022-08-20
140 浏览
餐廳：滿小館 (尖沙咀)地址：尖沙咀麼地道63號好時中心地下30-41號舖呢間開咗一年半，晚市成日full booking嘅滿小館 @themoonious 主打新派粵式小菜，佢哋將舊菜新做✨，有別於一般中式酒樓，喺度你可以搵到各種打卡特色點心添📸星期一至五中午嚟食飯仲免茶芥，除咗有一般香片、牡丹、普洱等茶葉，仲有瑰麗堂煌、桂花烏龍、白桃烏龍呢啲少有嘅花茶🌸，不得不提梗喺星期一至五午市提供$98全包價嘅花膠扒套餐啦🤤，有燉湯、花膠扒、時菜同炒飯，認真抵食👍✝️冰鎮黑豚咕嚕肉 $178呢個喺滿小館嘅招牌菜之一，基本上差唔多每枱都會叫，除咗好食之外仲好適合打卡😍。乾冰嘅煙霧效果一流🧊，咕嚕肉用咗黑豚肉去整，外層皮脆有冰凍感覺，內裏爽嫩有濃厚豚肉香，熱辣辣形成一個對比🔥，酸甜度適中，本身以為份量好少，點知翻開碎冰山尋到好多寶🤪，有成十幾廿粒咕嚕肉✝️冰鎮荔枝西紅柿 $68一粒粒剝咗皮嘅西紅柿浸喺香甜清新嘅荔枝汁當中，仲見到香甜嘅荔枝肉碎，呢種酸甜開胃嘅滋味加上冰凍嘅食法，放入口有清涼嘅肉汁💦，呢個咁熱嘅天氣食一流☀️✝️金湯松露餃 $48將松露餃浸喺微稠嘅南瓜湯裏面，晶瑩煙韌嘅餃子皮包住豐富嘅冬菇同
地址：尖沙咀麼地道63號好時中心地下30-41號舖
呢間開咗一年半，晚市成日full booking嘅滿小館 @themoonious 主打新派粵式小菜，佢哋將舊菜新做✨，有別於一般中式酒樓，喺度你可以搵到各種打卡特色點心添📸
星期一至五中午嚟食飯仲免茶芥，除咗有一般香片、牡丹、普洱等茶葉，仲有瑰麗堂煌、桂花烏龍、白桃烏龍呢啲少有嘅花茶🌸，不得不提梗喺星期一至五午市提供$98全包價嘅花膠扒套餐啦🤤，有燉湯、花膠扒、時菜同炒飯，認真抵食👍
✝️冰鎮黑豚咕嚕肉 $178
呢個喺滿小館嘅招牌菜之一，基本上差唔多每枱都會叫，除咗好食之外仲好適合打卡😍。乾冰嘅煙霧效果一流🧊，
咕嚕肉用咗黑豚肉去整，外層皮脆有冰凍感覺，內裏爽嫩有濃厚豚肉香，熱辣辣形成一個對比🔥，酸甜度適中，本身以為份量好少，點知翻開碎冰山尋到好多寶🤪，有成十幾廿粒咕嚕肉
✝️冰鎮荔枝西紅柿 $68
一粒粒剝咗皮嘅西紅柿浸喺香甜清新嘅荔枝汁當中，仲見到香甜嘅荔枝肉碎，呢種酸甜開胃嘅滋味加上冰凍嘅食法，放入口有清涼嘅肉汁💦，呢個咁熱嘅天氣食一流☀️
✝️金湯松露餃 $48
將松露餃浸喺微稠嘅南瓜湯裏面，晶瑩煙韌嘅餃子皮包住豐富嘅冬菇同松露粒🥟，一咬開啲餡料多到差啲跌晒出嚟🤣，值得一試
✝️流心鵪鶉蛋燒賣 $48
本身睇落鵪鶉蛋燒賣好似冇咩特別咁，點知一咬原來鵪鶉蛋會爆蛋黃汁，幾有驚喜🎉，蛋黃香充滿燒賣嘅每一個部份，爽口彈牙又香濃😋
✝️運程流沙包 $38
人有喜怒哀樂，包包都可以有唔同嘅表情同感受😝，睇吓印有表情嘅流沙包幾趣致🤓，
搣開見到蛋黃流沙餡不過未到好湧流嘅狀態，蛋黃味香甜濃郁，鍾意影相嘅人一定唔可以錯過
✝️白胡椒豬肚雞 $58
雞嘅份量都幾多🐓，而且每一舊都好嫩滑，
相反豬肚得三舊，雞同豬肚都未算好入味，不過個湯就好有胡椒香👍
✝️蟲草花浸畤蔬 $58
蟲草花浸菜心食落清淡健康🥬，高湯令到簡單嘅菜心變得清甜，唔會好鹹或者有好重味精味
张贴
