米線陣 (已結業)

大埔分店啱啱開嘅時候 , 佢個麻辣湯底好好味 , 每個星期都會去, 仲比錢做埋會員 , 但之後佢轉咗湯底 , 唔岩口味 , 整體質素都下降 , 就冇再去啦 今日再去返 , 發現質素進步左 , 麻辣湯底好似變返以前咁小食同米線配料多咗選擇 , 有鮮蝦同魷魚鬚 !  😍😍餐牌 :金錢肚 + 爽甜鮮蝦四川麻辣湯米線 (微辣) ($47) 上菜時個擺盤冇咁靚, 係自己執返好影相啫 🤣🤣爽甜鮮蝦 $12 有 3 隻都幾抵 , 而且爽口新鮮 ! 推介 !金錢肚都有 4 , 5 片 , 入味好食 , 米線偏煙韌 , 浸耐左都唔會好淋湯底又麻又辣 , 個人鍾意呢個麻辣湯底多過 _ 仔竹笙 + 魷魚鬚香菜豬骨濃湯米線 ($45)竹笙份量都幾多 , 魷魚鬚有 6 條 , 爽口不過略嫌份量少咗啲啲 , 性價比冇 $12 3 隻蝦咁抵 , 湯底無咩特別花雕醉雞翼 ($24)好香花雕酒味 , 好入味 , 🤤🤤🤤 3 隻真係唔夠喉 芒果鐵觀音 (跟餐 + $15)成個鐵觀音茶包放落去 , 杯底有芒果肉碎 撈埋一齊 , 飲到鐵觀音嘅茶味 , 亦都飲到芒果甜甜酸酸嘅味道 , 仲有啲果蓉咬下 , 配搭夠曬特別 , 唔錯