蓮香樓

一直想朝聖懷舊酒樓，對手推點心車總係有種情意結，原來晚市都有得食。

唔同時段會推出唔同款嘅點心，仲有啲坊間見唔到嘅款式。 蝦膠魚肚，魚肚夠厚身索晒湯汁，足料大份。 炸鮮奶熱辣辣，外脆內嫩，好似食緊脆皮燉奶咁。

燒賣、奶皇包、叉燒包同牛肉球做到水準以上，燒賣大大粒保持到即蒸嘅口感，奶皇包係唔覺意就流晒出嚟嘅狀態。

懷舊甜品焗西米布甸講真我係第一次食，好似葡撻咁窿窿地嘅表面好吸引，內裏嘅布甸同蓮蓉滑溜，唔會太甜。

椰皇燉蛋表面仲灑左啲燕窩好矜貴，重點當然係燉蛋白夠滑有椰香，食點心同時可以食到高質甜品係開心嘅。