新明苑宴會廳 (已結業)

兩公婆放工又返到元朗區搵食, 無目的閒逛, 見到晚市套餐有優惠, 就本住好又一餐, 唔好又一餐的心態去嘗試。上一樓是火鍋區, 二樓是小菜區, 二樓環境都頗嘈吵, 食客多數上年紀的家庭及男士。兩個人點了4個菜, 算將抵食, 最後要打包, 因為碟碟菜份量都好足夠。波士頓龍蝦e麵, 汁太重奶油味, 但只有奶油鹽味, 無其他特別, 龍蝦還算新鮮。整體一般般。紅燒乳鴿, 一人一隻, 比預期中好食, 身位, 脾位燒得都脆, 而且味道不錯, 不會太乾, 有肉汁。但肉質是雪藏過就無法避免了。蜜汁叉燒, 值得一讚, 例牌份量好多, 好味, 酒味控制的好, 蜜汁燒得香, 半肥瘦, 配熱飯最好。   蒜蓉炒白菜仔, 炒得好味, 火候控制得幾好, 不會很油膩。