海安咖啡室 (已結業)

呢度既薑蔥炒蛋多士好出名，所以特登黎呢度食，好可惜我地果日係11點左右去到，原來冇呢個多士，要2點後先有！結果就叫左兩個常餐。暖笠笠既菠蘿油非常鬆軟，外層香酥甜蜜可口，牛油量適中，夾入去即刻開始溶，正！常餐除左菠蘿油，重有份單拼粉麵。平日d常餐送既係多士，宜家變左菠蘿油，立即感覺抵好多！另外呢個脆豬包都好驚喜！真係比起連鎖店做得好！個包係烘到外脆內軟，而唔係得個脆字而變到乾晒果種，搽少少牛油個口感就已經好正！份炒蛋都幾好，入面重係有少少嫩嫩地，唔會話好似普通茶記咁炒到老晒，真係有質素，唔怪得一直都咁出名！