五陵會

营业中

休息中

今次庆祝屋企人生日饭，特登嚟咗五陵会，几多好耐之前都有食过，但果次冇好认真咁食，因为饮醉咗。😂今次终于冇饮醉酒啦，啲食物都好好食。我认为最好食嘅𠮶样嘢系红烧妙龄乳鸽，一咬落去脆皮多汁，而且每一只都烧到好均匀，食完自己果只仲想食埋人哋𠮶份。好耐都冇食过啲咁好食嘅乳鸽啦。鱼汤云吞浸学白都好唔错，云吞皮好薄，肉馅好多，而且有我好钟意食嘅竹笙。仲有杞子做点缀，望落去就已经觉得好正啦。清清地啱晒我啦❤️另外，想推荐嘅系佢嘅马拉糕，因为本人系好喜爱食马拉糕。佢蒸好咗每人一个，唔会太甜唔会太腻，食完饭再食个马拉糕都唔会觉得太跩。虽然餐厅同埋佢哋嘅食物望落去好似好一般咁，但食粤菜嘅话就一定系食佢，简简单单。