Taste Cafe (已結業)

好少嚟屯門，但見呢度有間零負評嘅cafe，決定嚟試試。門面唔算大，但一入去個vibe同出面嘅舊區完全唔同，水泥牆加上唔少藝術作品，好靚～叫咗$238嘅二人意粉餐，話係意粉餐其實除咗意粉仲有一個pizza，叫咗蜜糖燒烤醬雞胸pizza，雞胸肉嫩滑，醬汁香濃，餅底非常脆，正～～～意粉就揀咗明太子藍蟹肉扁意粉，唔算太濃味，同個pizza做返個平衡，幾清新嘅選擇。除咗呢兩個主菜仲有湯、飲品同小食，小食可揀薯條或雞翼，我地揀咗薯條，鍾意佢有巴馬臣芝士碎，好香，薯條又夠脆。飲品方面幾推介和茗綠茶，唔駛補錢又可以消滯。