三藩市牛扒屋 (已結業)

以前喺海港城開舖幫襯過，記憶中食物質素都唔錯。到咗上年聖誕節前打嚟訂位，受到極不禮貌對待，所以之後都冇再諗住嚟。偶然想食ribs又發現tony roma's執咗，於是走上嚟食。由於當時都係六點幾，都仲大把位。不過啲枱好細張，枱同枱之間隔得唔開，所以都唔係好坐。minimum charge $200 per head. 套餐唔啱食於是散叫。先嚟麵包，啲牛油好正，麵包有蒜茸，不過唔夠脆。之後有caesar salad同芒果鴨胸做前菜。個沙律多醋得滯，酸到有啲乸喉。個田螺好正好香牛油味，加埋蘑菇食感覺良好，不過嚟嗰陣以為白色嗰啲係薯蓉，正詫異點解可以整到咁平滑，隻叉一拮落去至知原來係個容器本身係一個個窿要嚟盛住啲田螺，都幾搞笑。main course係ribs，不過食落感覺似煲完湯啲豬骨…甜品係vanilla bakin' alaska，雪糕略硬。可樂、雪碧、iced tea有refill。不過相信點都飲唔到卅幾蚊啩。