南角

营业中

休息中

「南角」正正係一間位於九龍城南角道既咖啡店，對面就係港鐵宋皇臺站，非常方便。小店前身係一間富有舊香港特色既五金店，簡約既裝潢中仍保留一些歲月既痕跡。由於樓底夠高，坐位亦算寬躺，想同朋友傾吓偈chill吓，係唔錯既選擇！早餐選擇都算多，有 all day breakfast, egg benedict, 鬆餅, 牛角酥或者酸種多士配搭唔同配料，總有一款岩您心水!牛角酥有驚喜！食落香脆可口，淡淡牛油香味配上煙三文魚，口感豐富！整體份量適中，味道尚可。炒滑蛋口感鬆軟嫩滑、煙三文魚肉質鮮味，但酸種多士偏硬，火箭菜有少許苦澀味，有少少扣分。早餐+$10有一杯，咖啡香濃嫩滑，味道唔錯！仲有售賣自家特色布袋、t-shirt，價錢相宜。