ALIVE EATERY by Alive Food (已結業)

深水埗近年來開設了不同咖啡店，各有千秋。今日到訪剛開張的Alivefood，坐無虛席。該鋪主打酸種麵包其紅茶菌，紅茶菌恕自己孤陋寡聞，第一次見，不過沒有嚐試，反而試了佢地嘅酸種麵包同新鮮蕃茄醬配意大利布拉塔芝士。蕃茄果然新鮮，利用蕃茄醬微熱的溫度配上內凍外暖嘅芝士，會較容易入口，加上布拉塔芝士充滿濃郁奶味，中和蕃茄醬嘅酸度，唔錯嘅配搭。初時以為酸種麵包會有點厚度同鬆軟，入口時可惜太薄同太乾，感覺好似食脆片咁，或者其他人會喜歡吧。咖啡方面中規中矩，唯獨咖啡選擇不算太多，咖啡豆fruity，叫了一杯latte 及 cappuccino ，不太苦及酸。試業已經好多人了，希望過了試業後會有更多選擇吧。