英記粥麵茶餐廳

呢間深水[土步]老牌食店的第一個食評竟然由我來寫，真是十分詫異。

無來呢度好耐，福榮街呢頭竟然變成一條食街，食店林立，琳瑯滿目，好多選擇，不過以前係呢頭開工時，成日來呢間食tea，有o的感情，於是入去食番碗粥。

睇餐牌多左好多野，反而唔識叫，是但叫左碗艇仔粥，老妻叫鮮牛肉鯪魚球粥，加了一碟腸粉同埋一碟油炸鬼。

我們撈亂食。粥算甜，師父點都有少少，不過唔算好多。粥料新鮮，尤其是o的鯪魚球，彈牙爽口鮮甜，水準之作。不過我唔喜歡佢而家的粥底，太膠，應該是加了米漿煲。以前o的粥底好香，稀稠適度。唉，人懶左o的野就越來越差的了。

油炸鬼同腸粉應該係交來的，無mud好評論。

平均每人廿幾餅一餐tea，算係咁了，俾個笑面佢啦。