真秘鍋 (已結業)

天氣涼涼地，約埋幾個舊同學聚會，約喺尖沙咀我提議不如食真秘鍋打邊爐啦。週末好難book房，見係平日即日打去book，好彩book到。book 火鍋K房$500位最低消費，有得打邊爐、酒飲、有房坐、有K唱食完飯唔使轉場去酒吧或者Red Mr，個價錢大家都接受到點左招牌嘅龍蝦湯底九五之尊，金黃色嘅濃湯好吸引，湯滾起之後，新鮮波士頓龍蝦有侍應幫我哋剪開埋另外上碟俾我哋，好細心。我唔識飲酒，同行幾位男同學叫咗一支細支裝清酒，話呢度嘅酒水幾價錢合理。幾個食肉獸狂點牛肉，有手切牛肉同埋豬牛羊拼盤。手切牛肉肉味濃唔鞋自家製手工丸拼盤水準合格，唔係食冰鮮丸。果然天凍左打邊爐係好feel啲