覺得門面幾靚，一直都想去試下
今日終於的起心肝去食
以大埔餐廳價錢黎講，中價啦。百幾蚊一個SET唔算貴
我同朋友點左一人一個SET都只係300幾蚊
有湯有包同有野飲跟，其實都好抵下
餐湯係每日唔同既餐湯，今晚既係磨姑湯
佢個湯係真係用磨姑打出黎，而唔係罐頭湯，十分有誠意
餐包個包好好味!!!!!!(唔係一般叮返熱既嘉x包)
我地叫左豬鞍，同埋鵝肝安格斯牛肉漢堡
個豬鞍令我相當驚喜，其實豬黎講一般都好難整得唔鞋身
但係佢竟然都整得ok, 肉質幾juicy
佢配個薯菜仲要係炸薯仔，唔係一般開粉薯蓉
個鵝肝安格斯牛肉漢堡都十分足料
我同朋友share先食得哂
最值得讚係個burger塊肉好夠味。我幾中意
