KAKU (已結業)

土瓜灣重建後，多咗好多特色Cafe同埋餐廳，呢一個位於馬頭圍道嘅新樓盤之上，有好幾間評價甚高的餐廳，今日先試呢一間！👍🏻和風汁燒澳洲穀飼和牛漢堡超級巨型的滿堡，入口Juicy滿分，和風汁的甜蜜亦為漢堡加添左另一番風味。和牛肉唔鬆散，煎至半生，份外豐腴，略嫌包底因蕃茄的關係濕左小小。👍🏻柚子胡椒燒油甘魚鮫份量足以二人分享，以燒烤的形式去烹調油甘魚鮫，滿滿魚脂香，邊位極度香口香脆，肉質嫩滑帶魚汁，配菜的蘑菇薯仔都令人食得滿足。👍🏻和牛他他配生鵪鶉蛋作為前菜嚟講，開胃又夠誠意。海量的黑魚籽密鋪平面，他他好軟柔，入口更帶小小麻辛感，生鵪鶉蛋亦都起到濕潤嘅作用，配上微暖的脆米餅，口感極佳！頭盤沙津絕不馬虎，配以藜麥、蕃茄仔、杞子可見誠意十足。餐包更加係Crossover文華餅店去創作，配上餐廳特製嘅麵豉牛油，份外香口。是日餐湯為蘑菇湯，味道不過不失。餐飲餐廳提供嘅茶包都別具特色，今日叫左兩杯血橙果粒茶、奇趣曲奇果粒橙。入口清甜，特別係奇趣曲奇以風乾形式製作午市餐單如下👍🏻👍🏻餐廳員工態度相當殷勤，環境寬敞舒適，更加提供口罩套。