影片
更多
2017-03-08
1075 浏览
同朋友睇完話劇之後, 過黎荷里活廣場覓食喇。荷里活都幾多餐廳選擇, 朋友同我都睇中左熨烤達人, 佢喺旺角開嘅時候已經心思思想試架喇。估唔到今日有緣千里能相聚, 甘都可以喺鑽石山見到, 點可以唔食呀!!!! 唔食對唔住自己呀。門口就有大大隻嘅金隊長喇!! 一路食飯一路都見金隊長吸引好多小朋友要同佢影相, 相當受歡迎呀。隊長手拎嘅係呢度秘密武器, 陣時先講呀。周圍都佈滿金隊長嘅畫像, 幾得意。裝修少少工業風, 枱設計得唔錯同甜心, 有一層可以放手機同紙巾, 甘就唔會燒烤時彈油整污糟電話。有呢個濟洲豬套餐可以叫, 餐廳仲提供好多唔同嘢食, 例如石鍋伴飯, 麵同沙律等...熨烤達人都有爐邊蛋可以食, 問左可以免費refill架, 而且可以加芝士, 粟米同泡菜落啲蛋度。味道都唔錯架。前菜有茄子, 泡菜, 醃蘿蔔同豆芽, 每樣都唔錯, 泡菜係甜辣甜辣嗰款。前菜都係免費refill。自暴自棄麵, 個名真係盞鬼。其實係韓國公仔麵, 點解叫自暴自棄, 我諗應該係想減肥嘅人食左會停唔到口。個麵真係唔錯, 煮到啱啱好, 芝士味勁濃, 仲有少少辣味, 仲有膠仔仲配料添。上菜時有架車裝住, 好型! 期待以久嘅濟
門口就有大大隻嘅金隊長喇!! 一路食飯一路都見金隊長吸引好多小朋友要同佢影相, 相當受歡迎呀。隊長手拎嘅係呢度秘密武器, 陣時先講呀。
周圍都佈滿金隊長嘅畫像, 幾得意。裝修少少工業風, 枱設計得唔錯同甜心, 有一層可以放手機同紙巾, 甘就唔會燒烤時彈油整污糟電話。
有呢個濟洲豬套餐可以叫, 餐廳仲提供好多唔同嘢食, 例如石鍋伴飯, 麵同沙律等...
熨烤達人都有爐邊蛋可以食, 問左可以免費refill架, 而且可以加芝士, 粟米同泡菜落啲蛋度。味道都唔錯架。前菜有茄子, 泡菜, 醃蘿蔔同豆芽, 每樣都唔錯, 泡菜係甜辣甜辣嗰款。前菜都係免費refill。
自暴自棄麵, 個名真係盞鬼。其實係韓國公仔麵, 點解叫自暴自棄, 我諗應該係想減肥嘅人食左會停唔到口。個麵真係唔錯, 煮到啱啱好, 芝士味勁濃, 仲有少少辣味, 仲有膠仔仲配料添。上菜時有架車裝住, 好型!
期待以久嘅濟洲黑毛豬厚切五花肉黎喇!!! 金隊長拎嘅熨斗就係用黎鎮壓呢隻豬架喇。大家可以放心, 店員會幫忙熨烤五花肉的, 首先煎封兩面, 之後就剪開一大片再壓住烤。當兩面都已經烤好, 再剪細塊方便食用。
睇見都洗流哂口水呀!! 有3種醬汁可以"點", 有1種醬汁係放喺烤盤上燒熱先"點"。當然原汁原味甘試下先喇。肉味濃郁, 油脂香而不膩, 豬皮燒到脆口同好煙靭。個人覺得原味最好食!!!
燒牛肋骨同猩星沙律。牛肋骨入味同好淋, 食落仲有淡淡柚子蜜嘅味道。上菜用鐵鏟上, 都幾得意呀! 猩星沙律有免治肉碎酥加上士多啤梨同藍莓醬, 食肉食得多, 食啲菜平衡下解膩, 個醬嘅味道都幾得意。
仲叫左芝士炸雞, 上枱時都幾大碟。睇住啲芝士慢慢溶, 都不知幾開心。炸雞用左粟米片都算少見。
拉芝拉得好勁呀!!! 成件炸雞都充滿芝士, 炸雞肉嫩滑有汁, 加上芝士同少少蕃茄蓉嘅酸味, 成件事唔會太膩。食完成餐, 太飽喇, 減肥嘅事又要延期喇, 真係自暴自棄呀!!!
整體黎講, 服務好好, 店員常常幫忙燒烤同有禮貌。餐廳唔算大, 但座位間都唔會逼, 而且裝修都幾得意。
张贴
