euro go go

营业中

休息中

今日約左好朋友食下午茶傾密計，想起上次去過油塘食晚餐，大本型環境唔錯，不太多人，就決定去油塘搵下野食，唔想去茶餐廳，就去左呢間環境舒適的平價西餐廳，仲有梳化位坐，我地揀左最角落的梳化位，方便傾計。這裡叫餐是自助的，但會有人送餐，都好方便，下午茶種類多，有甜品、咸點、小食，需比一般茶餐廳貴，但水準及食物非常高。我地兩個女仔叫左兩個下午茶share食，仲加$10加左一碗鮮茄湯通粉，鮮茄湯夠濃，好似羅宋湯味，$10一大碗，抵食。朱古加香蕉班戟，這個甜品女仔一定鍾意，我就超鍾意，食完想再食。焦糖忌廉燉蛋比較甜，但蛋味香濃，焦糖脆口，喜歡甜食一定要試朋友另外加錢要了一杯凍芒果茶，好重芒果味，仲有芒果肉這裡環境好，坐位舒適，同朋友一路食一路傾心事，沒有人騷擾，可以慢慢坐，又多一個聚腳點。