串燒屋

营业中

休息中

今日放工約左朋友去觀塘食晚飯佢突然話想嘆住冷氣BBQ所以我哋就決定去串燒屋食串燒放題！呢間串燒放題做緊$248任食2.5小時本身都以為會食得好急但係原來時間好充足可以慢慢傾偈慢慢食一入去已經俾兩隻貓員工吸引住佢哋熱烈歡迎我哋入去仲跳上凳度同我哋一齊坐遇上驚貓貓嘅客人 職員都好好咁會將佢哋帶走呢間餐廳都係用QR code落單勁方便又可以睇返叫左啲咩上菜速度亦都好快侍應仲會建議我哋要定啲炸嘢等串燒果時可以食住先！！！餐廳食物款式多樣化串燒推薦：牛肋條、牛西冷、豬頸肉、海蝦、多春魚、龍蝦丸、芝士腸、芝士獅子狗、貢丸、牛筋丸etc網燒推薦：安格斯牛肩肉、蒜蓉烤蠔、熊本一口牛、羊架、蒜蓉烤茄子、牛油粟米、翠玉瓜、雞腎etc炸物推薦：炸蠔、墨魚角、地瓜丸、榴槤炸彈etc90%嘅嘢食都冇落調味，枱面有調味用嘅粉，可以根據自己嘅喜好隨意調味。侍應哥哥仲會間中行過嚟提醒我哋邊啲串燒已經可以食，最後佢仲提醒我哋有棉花糖可以燒！！值得一讚嘅係呢間餐廳冷氣非常足夠，就算坐喺個爐隔籬，都完全唔覺得熱！！總括嚟講對呢間餐廳都好滿意。