龜記茗茶 (新都會廣場)

营业中

休息中

今日上朋友屋企玩，熱辣辣天氣買幾杯台飲上去，同行朋友介紹呢間龜記茗茶，話係台灣過江龍，茶底特別香，買左以下幾杯試下。確實好飲！蘋果紅萱我揀嘅呢杯，佢嘅茶底係用上龜記招牌的金萱三韻紅萱為茶底，試就當然要試招牌，haha, 果然無揀錯。新鮮蘋果汁加入集合左茶香，花香同熟果香三種口味嘅三韻紅萱，個茶底真係非常唔同，茶香味係會係口腔蔓延，飲落順口，蘋果香咪淡淡，突出茶嘅味道。 阿源陽桃紅茶本身係朋友揀，以為麻麻，點知出奇地好味，好有台灣風味。古早味道嘅楊桃甜，味道非常豐富，甘甜微酸得嚟又有少許鹹味，好特別！ 香柚雷夢綠首先呢杯飲品真係超超超多蘆薈，店家真係唔小家🤣飲到尾都仲有好多蘆薈。其次係茶係真好飲，清新青檸口味，夾雜香柚獨特嘅風味同埋綠茶嘅清香，飲落寧舍香，再加埋蘆薈有咬口，甜甜清香，成杯飲品好解渴清爽。蜂蜜三韻奶茶呢款飲品非常推薦，香味同味道都係咁豐富，而且加左蜂蜜，同奶茶又估唔到咁夾，蜂蜜嘅香甜又同果甜好唔同。 飲落好順滑，奶茶同蜂蜜味互相輝映，兩者味道完美融合！紅柚翡翠超級多紅柚肉，微酸得嚟同清新綠茶非常夾，清香回甘，夏天飲特別清爽！