NUTTEA (葵涌廣場) (已結業)

葵廣小食店同手調飲品多到試極都未試完，食物就話總有d 係唔岩食，但飲品真係點都有一杯岩口味。之前朋友已經試過Nuttea, 話個奶蓋非常出色，其實對奶蓋無乜太大興趣，覺得會好肥好飽。不過朋友講話Nuttea 係飲過最出色既奶蓋，心郁郁去試下朋友之前飲伯爵朱古力堅果奶蓋茶，好飲，但飲完都幾飽，lunch 都食唔落。我唔想飲到滯，我地今日目標係飲d fresh 既茶。我叫左蘋果脆脆楓糖堅果奶蓋茶，個奶蓋係驚為天人，出面通常芝士奶蓋，呢個係榛子奶蓋，好creamy 但唔會有芝士奶蓋咁滯，蘋果脆脆好有咬口， 加埋蘋果茶係絕配，酸酸甜甜好開胃，飲完係仲開胃左朋友叫左杯椰子水堅果奶蓋，非常清甜。因為係用椰子水，唔會額外加糖唔使少甜。感覺係一路飲椰子水，一路食一個榛子甜品，雙重享受。暫時係我唯一可以食哂飲哂既奶蓋茶，大大力推薦！