影片
更多
2021-09-24
100 浏览
原本想行去The One食午餐，點知比依個新開嘅food court吸引咗入去食😂佢嘅門面好特別，完全唔似food court,用咗白色做主調感覺好清新🌿而餐廳就排列到好似一條小村莊咁好有特色😌用餐環境超舒服，仲要竟然有food court員工負責裝水,遞餐等等，好難得🤣而最特別嘅係,依度全部餐廳都唔係連鎖店，小編全部都係第一次聽，一共有五間餐廳，中式、西式、泰菜、東南亞菜同素食，仲有一間飲料店😍今次食就試咗依間泰國菜，午市由$48起，係尖沙咀依個地段嚟講非常便宜😂小編同朋友一共叫咗兩個午餐同兩份串燒😝-《 #沙嗲串燒飯》$68呢個沙嗲串燒飯性價比極高，除咗有泰式炒飯底之外，仲有三串即燒嘅串燒。炒飯落咗好多唔同嘅泰式香料，例如金不換，蕃茜，紅椒等等，就咁食飯已經好夠味，不過就未必岩食唔慣泰式香料嘅人啦。串燒分別有雞牛豬各一串，雞肉串十分鮮嫩多汁，配上沙嗲醬食一流👍牛肉就有啲乾身，豬肉還可以😌-《 #肉碎生菜包》$68泰式肉碎都幾辣，入面亦加咗芫荽、洋蔥等配料，生菜亦非常新鮮爽口，夾埋肉碎食好搭，如果有埋泰式青檸提味會更好🤣最特別嘅係仲有兩塊牛油蒜蓉包，一次過滿足我兩個願望☺️-《 #燒白
而最特別嘅係,依度全部餐廳都唔係連鎖店，小編全部都係第一次聽，一共有五間餐廳，中式、西式、泰菜、東南亞菜同素食，仲有一間飲料店😍
今次食就試咗依間泰國菜，午市由$48起，係尖沙咀依個地段嚟講非常便宜😂小編同朋友一共叫咗兩個午餐同兩份串燒😝
-
《 #沙嗲串燒飯》$68
呢個沙嗲串燒飯性價比極高，除咗有泰式炒飯底之外，仲有三串即燒嘅串燒。炒飯落咗好多唔同嘅泰式香料，例如金不換，蕃茜，紅椒等等，就咁食飯已經好夠味，不過就未必岩食唔慣泰式香料嘅人啦。串燒分別有雞牛豬各一串，雞肉串十分鮮嫩多汁，配上沙嗲醬食一流👍牛肉就有啲乾身，豬肉還可以😌-
《 #肉碎生菜包》$68
泰式肉碎都幾辣，入面亦加咗芫荽、洋蔥等配料，生菜亦非常新鮮爽口，夾埋肉碎食好搭，如果有埋泰式青檸提味會更好🤣最特別嘅係仲有兩塊牛油蒜蓉包，一次過滿足我兩個願望☺️-
《 #燒白鱔》$78
《 #燒雞脾菇》$18
午市來講呢味燒白鱔價錢的確係偏高，但係一上枱見到非常大嚿，有三大舊，火候亦控制得好好，皮脆肉嫩，亦保留到鱔汁同油香，絕對值得一試！😍燒雞脾菇略嫌太過薄切，所以咬落冇爆汁嘅效果🥲但上面嘅泰式香料非常惹味，再點上泰式香辣汁更佳😎
张贴
