麦玉子 (已結業)

今日走去觀塘一田買野，行左陣離遠見到有間裝修幾靚既舖頭，原來呢度仲有堂食添個喎，見到「玉子燒」三個字，正呀，平時都好鍾意食日本雞蛋咁衝左入去啦，好彩我哋過咗食飯時間，所以人流都唔算好多，而且佢位置同位置中間都幾寬敞，坐得好舒服。咁我地當然要叫玉子燒啦，個明太子玉子燒好好味，D蛋又唔會太乾，又唔會太濕。另外我哋嗌左個宗田鰹蕎麥麵，個湯味道都好清甜，麵質軟硬度都唔錯，唔會太硬得黎重要幾彈牙。作為超級市場入邊嘅餐廳，佢嘅性價比都算唔錯。