同壹燒鵝皇

71 後嘅假日，瞓到晏一晏起身，三點幾先想食嘢就同母親落街搵吓下午茶食，順便飲杯嘢。落街見到呢間燒味舖嘅下午茶幾大份，又未食過，就走咗入嚟食。阿媽叫咗一份下午茶餐燒鵝拼燻蹄米粉，我太肚餓嘅關係就叫咗碟乳豬燒鵝五寶飯食

燒鵝拼燻蹄米粉
切咗個燒鵝上髀比母親，雖然分量比較少，但下午茶有得食髀位都開心既。燒鵝皮脆，肉汁都夠，配番酸甜醬唔錯。燻蹄爽脆，不過個醋就唔係好夠酸，可能岩番一d唔食好酸既人喇。

乳豬燒鵝五寶飯
有乳豬有燒鵝呢個飯份量都好豐富，而且全部都係貴價靚嘅燒味，乳豬嘅皮好脆而且有乳豬醬，好食。有埋鹹蛋送飯成個餐好豐富。

夏天梗係整返杯凍檸茶。