影片
更多
2018-12-05
1360 浏览
還有不足三個星期就到聖誕，各大小商場的佈置已經準備就緒，大街小巷亦開始瀰漫著濃濃的節日氣氛。其實每年進入聖誕倒數月份，小編都會提早約不同的朋友吃飯，預祝聖誕，順便送上禮物，今年當然也不例外。友人在銅鑼灣上班，所以今次就揀咗這間大家都心儀已久的歐陸意大利餐廳「凡高廚房」。餐廳隱藏喺銅鑼灣的一幢舊式大廈內，當電梯門一打開，一幅幅印象派大師的名作隨即映入眼簾。沿著棗紅色嘅牆身往內進，沒想到原來餐廳入面嘅佈置咁 elegant，裝修同設計明顯花過唔少心思，好似去咗藝術館一樣，牆身掛了不少梵高的名畫，雖然只是臨摹，而非真迹，但亦無損氣氛。近門口位置設有桌球檯區域，而旁邊就擺放咗兩張古典嘅鐵製鞦韆椅，可以邊玩邊食，環境的確唔錯。拿起餐牌細看，食物以套餐為主，有海鮮拼盤、廚師極緻盛宴、貴族二人晚餐、Deluxe Dinner Set、Golden Dinner Set 等等，甚至連兒童餐都也有供應，選項非常豐富。不過如果唔想食套餐嘅話，當然亦可以散點，有湯、前菜、沙律、主菜、配菜、意大利飯、意粉及薄餅等可供選擇，豐儉由人。友人睇中咗個火焰牛柳串，而我就想食意粉，就一於簡簡單單，每人點個 Set Di
餐廳隱藏喺銅鑼灣的一幢舊式大廈內，當電梯門一打開，一幅幅印象派大師的名作隨即映入眼簾。沿著棗紅色嘅牆身往內進，沒想到原來餐廳入面嘅佈置咁 elegant，裝修同設計明顯花過唔少心思，好似去咗藝術館一樣，牆身掛了不少梵高的名畫，雖然只是臨摹，而非真迹，但亦無損氣氛。
近門口位置設有桌球檯區域，而旁邊就擺放咗兩張古典嘅鐵製鞦韆椅，可以邊玩邊食，環境的確唔錯。
拿起餐牌細看，食物以套餐為主，有海鮮拼盤、廚師極緻盛宴、貴族二人晚餐、Deluxe Dinner Set、Golden Dinner Set 等等，甚至連兒童餐都也有供應，選項非常豐富。不過如果唔想食套餐嘅話，當然亦可以散點，有湯、前菜、沙律、主菜、配菜、意大利飯、意粉及薄餅等可供選擇，豐儉由人。
友人睇中咗個火焰牛柳串，而我就想食意粉，就一於簡簡單單，每人點個 Set Dinner。套餐包括有歐陸式小食、招牌 98% 野菌忌廉湯、主菜、咖啡或茶及甜品。另外而家凡惠顧嘅客人，只要喺 facebook 按 like + 分享照片，即可獲贈鵝肝醬多士一客，咁著數當然唔可以錯過啦！
點完餐後，服務隨即為我倆送上一籃餐前麵包。牛角包個子不大，色澤呈金黃，外層非常脆囗，食落富牛油香，不用塗牛油吃已經夠曬美味。
接著輪到吃餐廳送贈嘅鵝肝醬多士，雖然係免費送嘅，但原來份量都唔少。先舀起少許鵝肝醬試試，質感軟糯滑溜，再將肝醬搽在薄多士上，鵝肝醬入口即溶，同 mini toast 嘅脆口形成鮮明對比，用嚟送酒一流。
呢客歐陸式小食味道亦唔錯，尤其是 crackers 上面嘅三文魚他他，選材講究，鮮味十足，而且每一粒三文魚都被沙律醬包圍住，令人愈食愈開胃。
接著是招牌 98% 野菌忌廉湯，據店員稱，呢款野菌湯係用咗牛肝菌同黑松露等 9 款雜菌嚟炮製，當中只加入了少許忌廉，唔怪得飲落香味特別濃郁，加上入面滿滿嘅野菌粒，口感超豐富，真係無得彈。
輪到吃主菜，先嘗我揀嘅意大利卡邦拿 ($268)，意粉水準唔錯，麵條煮得恰到好處，入口既煙韌又不過腍，真正做到意大利人所說的 Al Dente 口感。最正就係每條意粉都沾有醬汁，但食落 creamy 得嚟又完全唔覺得膩口，絕對是誠意之作。 
至於友人點的地中海式火焰牛柳配牛肉燒汁伴蒜蓉香草醬薯角 ($398) ，亦非常之有睇頭，牛柳以鐵盤盛載，一客有兩串，上檯後店員會喺客人面前把酒精淋上，然後點火，再將牛柳燒香。兩串牛柳即時火光熊熊，賣相相當吸引，視覺效果一流，而配菜方面就有薯角同意大利青瓜。牛柳肉質非常鬆軟，嫩而不韌，充滿肉汁，配三色椒吃，更可中和油膩感。伴吃的薯角亦絕不欺場，以先炸後焗方式烹調，入口外脆內綿，帶濃郁的香草香。
跟餐甜品原本係即製窩夫，不過我地加錢，將甜品 upgrade 咗做焦糖燉蛋 (+$38) 同朱古力心太軟 (+$48)。燉蛋嘅焦糖面燒得唔錯，厚薄剛好，而且非常脆身，入口很香甜，令燉蛋食落有層次。至於客心太軟賣相亦很美觀，旁邊以朱古力漿作裝飾，用刀切下，內裡餡料雖然比較稠身，不太流心，不過入面的朱古力味道好濃郁，入口甜而不膩，同雲呢嗱雪糕一齊食，非常夾配。
餐廳環境的確唔錯，除咗可以賞畫之外，食完飯仲可以飲返杯茶，坐低慢慢傾，又或者去打下桌球、盪盪鞦韆，店員亦都無催促我哋走，非常寫意。
张贴
