影片
更多
2018-10-29
2108 浏览
「香港有乜特色美食？」成日都聽到人咁問。除咗答佢雞蛋仔、蛋撻、魚彈咁......仲有日式放題、任食火煱、韓燒。講開又講，韓燒對我黎講係屬於中學時代，一個同學聚會既地方(80後既請舉舉手) 。時至今日韓燒依然存在，唔同既只係質素越黎越高、環境越黎越好。(始終香港係個較大競爭既地方) 就一於去試吓，10年之後既韓燒演變成點！今次揀咗間裝修主題非常突出既，原本以為係主題樂園。埋位指定，DIY爐端燒玉子。滿足哂所有偽廚既慾望。調味五花肉 $68經醬料深度醃製既五花肉。好入味，味道有些少似廣東叉燒。如果各位燒製時間掌握得好，肉質會更加嫩滑。特級雪花牛 $108一睇就知道係靚野，脂肪分佈有文有路。猛火每邊燒1分鐘即食。外脆內嫩，入口牛味道而且仲保留咗些少肉汁。貴野真係唔同啲！水牛城雞翼 $58賣相一流，味道一流。雖然同平時即水牛城雞翼味道上有啲分別，但正所謂風味既野你識乜鬼。醬汁惹味香濃，雞肉嫩滑。空肚狀態應該可以食50隻以上。燒牛肋骨 $88好多人都討厭食，但其實係最好食既部位。越近骨位，肉質越濃味越有嚼勁。整個牛肋骨既牛味都非常濃郁，口感唔止嫩滑仲好Juicy。我推介哩個！金仔炸雞飯 $88一
今次揀咗間裝修主題非常突出既，原本以為係主題樂園。
埋位指定，DIY爐端燒玉子。滿足哂所有偽廚既慾望。
調味五花肉 $68
經醬料深度醃製既五花肉。好入味，味道有些少似廣東叉燒。如果各位燒製時間掌握得好，肉質會更加嫩滑。
特級雪花牛 $108
一睇就知道係靚野，脂肪分佈有文有路。猛火每邊燒1分鐘即食。外脆內嫩，入口牛味道而且仲保留咗些少肉汁。貴野真係唔同啲！
水牛城雞翼 $58
賣相一流，味道一流。雖然同平時即水牛城雞翼味道上有啲分別，但正所謂風味既野你識乜鬼。醬汁惹味香濃，雞肉嫩滑。空肚狀態應該可以食50隻以上。
燒牛肋骨 $88
好多人都討厭食，但其實係最好食既部位。越近骨位，肉質越濃味越有嚼勁。整個牛肋骨既牛味都非常濃郁，口感唔止嫩滑仲好Juicy。我推介哩個！
金仔炸雞飯 $88
一碗用黎填補空虛既澱粉質。話雖如此，表面鋪滿無骨雞件，外脆內嫩。一啖咬落去會感受到「脆」、「嫩」兩個字，慢慢食落又會有種香濃汁多既口感。
张贴
