影片
更多
2008-04-12
50 浏览
两间都系旧区仅有嘅西菜，两间都系以「厨」出名，等我试吓做个比较。先讲价钱：普罗旺斯（普）唔卖酒，三道菜，唔计自来酒，每人$375；新马鞍（新）卖红白酒，全部$190，开咗一支，连食物，三道菜，每人$335。单计食物，新平足30%。头盘：普哋沙律成旧水，但真系俾足料，有新鲜沙律菜，黑醋及莎乐美肠；新就比较普通咗Ｄ，问佢攞黑醋，系甜中带微酸，可能我唔晓，似老抽多Ｄ。汤：普嘅汤系热嘅；新嘅汤好耐都唔上，要加钱嘅龙虾汤唔系咁热，味道似罐头嘢。龙虾汤似乎都系Jimmy’s Kitchen好Ｄ。面包：普嘅系法式蒜蓉饱；新嘅饱样样有Ｄ，有送鹅肝酱，朋友话以前尖沙咀诺曼第嘅鹅肝酱好好多。主菜：普嘅鱼及牛扒都系一绝，虽然两个主菜相距差不多一个钟而我只用咗三分钟食个扒；新嘅黑豚肉系好腍，但系冻嘅！而且无味！！个海鲜天使面都系好淡，真系无味，落埋盐都唔掂。仲有一个新自行介绍嘅花甲，哗！好腥！食唔到！新好好人，主动换咗个炸烟肉条俾我送酒，但连天使面里面嘅花甲、青口都系好腥，讲真，有Ｄ想呕。甜品：普嘅甜品要付款，法式炖蛋，几好吖；新嘅系连餐嘅，西瓜加朱古力粉，结果去小店食多餐。红酒：普嘅系系新蒲岗买嘅，half
先讲价钱：普罗旺斯（普）唔卖酒，三道菜，唔计自来酒，每人$375；新马鞍（新）卖红白酒，全部$190，开咗一支，连食物，三道菜，每人$335。单计食物，新平足30%。
头盘：普哋沙律成旧水，但真系俾足料，有新鲜沙律菜，黑醋及莎乐美肠；新就比较普通咗Ｄ，问佢攞黑醋，系甜中带微酸，可能我唔晓，似老抽多Ｄ。
汤：普嘅汤系热嘅；新嘅汤好耐都唔上，要加钱嘅龙虾汤唔系咁热，味道似罐头嘢。龙虾汤似乎都系Jimmy’s Kitchen好Ｄ。
面包：普嘅系法式蒜蓉饱；新嘅饱样样有Ｄ，有送鹅肝酱，朋友话以前尖沙咀诺曼第嘅鹅肝酱好好多。
主菜：普嘅鱼及牛扒都系一绝，虽然两个主菜相距差不多一个钟而我只用咗三分钟食个扒；新嘅黑豚肉系好腍，但系冻嘅！而且无味！！个海鲜天使面都系好淡，真系无味，落埋盐都唔掂。
仲有一个新自行介绍嘅花甲，哗！好腥！食唔到！新好好人，主动换咗个炸烟肉条俾我送酒，但连天使面里面嘅花甲、青口都系好腥，讲真，有Ｄ想呕。
甜品：普嘅甜品要付款，法式炖蛋，几好吖；新嘅系连餐嘅，西瓜加朱古力粉，结果去小店食多餐。
红酒：普嘅系系新蒲岗买嘅，half bottle，所以因食物唻得迟而好快饮哂；新嘅系house wine，红白都系$190，拣咗西班牙，唔错，真系几易入口。
如果你时间多，又愿意俾多一二百，普罗旺斯真系好好多，不过记住带两支红酒去或带一支Magnum，否则真系等到吽。
张贴