美心西餅 (已結業)

上幾回講述到，美心西餅令家中八歲妹妹得以與四十歲Hello Kitty一同賀壽，氹得小妹妹驚喜萬分 。今回輪到哥哥揚宗生日，小肥爸B當然係要返美心搵幫手啦！行入美心分店第一刻起，已留意到櫥窗及四周廣告正在推廣「3D慶祝」蛋糕系列，號外上更提到現凡購買$168或以上蛋糕一個，即任何3D蛋糕，便可成為Happy Club會員，亦可同時享用八折蛋糕優惠及九折麵包優惠 。眼見3D蛋糕眾多款式中，有一款「恐龍樂園」以揚宗最愛o既恐龍及火山作主題，小肥爸B不用三思就立刻訂購。蛋糕兩磅起計，每磅原價$208，兩磅即$416，因符合資格成為Happy Club會員，即場可享八折優惠，折實價為$332.8，如欲加朱古力牌另付$10。「恐龍樂園」蛋糕外型趣緻，顏色鮮艷，盡顯恐龍興高采烈地於火山玩樂，細路一見即嘩嘩聲叫，就連大人都讚不絕口，壽星仔 更興奮到笑不攏嘴。樂園以朱古力脆條塊作圍牆及頂面火山，外皮灑滿朱古力粉o既雙層蛋糕餡料可選什果或黑森林，亦可以每磅另加$20轉為士多啤梨夾心、芒果夾心或栗子夾心。小朋友對糕面o既朱古力火山、甜脆彩石、朱古力圍牆及像皮軟糖恐龍公仔最感興趣，當日鬆軟微甜o既什果