烏蠅館 (已搬遷) 新店位置

香港單碗麵食好少有寬粉呢個選擇，見到烏蠅館有火鍋寬粉於是慕名而去。對寬粉情有獨鍾，係因為係青海食過土火鍋，而入面既寬粉係相當彈牙煙韌。可惜去到寬粉售罄，於是退而求其次要土豆粉。土豆粉外層晶瑩剔透，賣相不錯。但可能因為我一直諗住可以食到同青海寬粉相差無幾既彈牙口感，所以土豆粉就失色了，得少少煙韌。而淮山係脆，魚腐亦不錯。但雞肉可以唔叫，原來係完全無調味既白烚雞肉。不過由於價錢相宜，所以都可encore。希望下次有寬粉可以試試佢。