利寶閣 (已結業)

同屋企人係利寶閣試佢個點心放題，$168 真係超抵食， 我推介呢幾款點心： 鮑汁鳳爪﹑百花燒賣， 同埋最愛既鮮蝦水晶餃！
鮑汁鳳爪唔會瘦猛猛， 食落好厚肉，好似直頭食緊骨膠原咁， 實在係啜腳趾愛好者既首選啊！味道更加要讚好，因為真係超級入味！
百花燒賣每一粒都大大粒， 一咬落去仲有肉汁添， 食落就知一定係新鮮蒸起先有既效果。 而味道唔好太咸， 反而陣陣肉香撲鼻， 色香味俱全
鮮蝦水晶餃外皮香軟，煙煙韌韌， 而入邊既大蝦非常爽脆鮮味，口感層次分明。