火鍋店以任食的方式經營，客人可以在十款火鍋湯底中挑選其一，然後在點菜單上任點食物，至於飲品、甜品及調味料是無限供應，及以自助形式自取。
我們選擇「粟米鮮豬煲」做火鍋底，豬骨非常大件而且好入味，粟米亦非常新鮮，粒粒金黃色，仲有鮮紅色嘅蕃茄及支竹做陪襯，整個鍋底足料好味。
大部食物都可以任點任食，只有一小部分食品需要收費，例如崩沙腩，即炸響鈴，M9和牛等等。
這是羊肉片，在熱湯內滾一滾使羊肉片煮熟，羊肉片入口柔軟，味覺均勻。
蜂巢冰豆腐，是火鍋必備食品之一，豆腐會將湯汁吸收，使整件冰豆腐味道更濃。
大鮮蝦雲吞，入面真係包住咗成隻蝦，好味爽口，必定要點的菜。
流心蟹粉丸、灸燒芝心丸，呢幾款丸雖然經常食到，但是每逢遇上火鍋，就會自然想起要吃一個。
脆卜卜炸魚，真係好香好脆，只要輕輕沾一沾熱湯便可以入口，香脆指數一流。
呢度嘅海鮮都好新鮮，我地點左生猛海蝦，新鮮九肚魚，同埋蜆。海蝦都算大隻，而且好爽口，啲肉非常結實。至於九肚魚呢，雖然尺寸比較細，但係食到鮮甜味道。蜆仔全部都無沙，粒粒鮮甜，好好味㗎！
整體嚟講，餐廳食嘢環境都好舒服，唔會太嘈吵，食完火鍋仲可以自己拎雪糕食，我就足足食咗兩杯。
