更多
2019-07-10
19 浏览
今日帶一個外國朋友黎尖沙咀食野,所以就帶佢去試一D比較貼近本地文化既野食。諗左一陣我就決定帶佢去食小菜,就搵左呢間係附近既六合小廚。睇到佢餐牌都幾多唔同種類既野食,連燒味同茶餐廳既常餐都有。不過因為係同外國朋友食,所以都係決定叫番幾味道地既小菜食飯。蜜椒薯仔牛柳粒私心好想食呢個,因為呢個係我最愛既小菜。估唔到佢呢度都整得好好食,比起深水埗一間出名食呢個菜既餐廳都唔會輸sit。所謂蜜椒,姐係蜜糖同黑椒,呢度做得好好既係佢蜜糖落得好夠,薯仔好脆口。牛柳肉質都控制得非常好。我本人最鐘意既係佢薯仔同肉既比例,因為個人認為,呢碟小菜既靈魂係薯仔度架!連外國朋友試完都話好特別,有小小似一塊牛扒同side dish切開左炒埋黎上,哈哈!胡椒豬肚湯我自己本身其實唔太鐘意飲豬肚湯,好怕佢有陣內臟味。點知外國朋友竟然咁有冒險精神,揀左呢個。好彩佢呢度既豬肚洗得好乾淨,胡椒味都好夠!湯係奶白色既,飲落夠辣,朋友都話豬肚唔似食緊內臟!蠔餅繼續挑戰地道菜式~煎蠔餅,我解比佢聽係Oyster Pancake,佢聽到一頭霧水,好搞笑。呢度用既蠔夠新鮮,又落得重手,每啖都可以食到蠔仔,蠔仔同蛋漿比例控制得非常好。瑤柱
蜜椒薯仔牛柳粒
私心好想食呢個,因為呢個係我最愛既小菜。估唔到佢呢度都整得好好食,比起深水埗一間出名食呢個菜既餐廳都唔會輸sit。所謂蜜椒,姐係蜜糖同黑椒,呢度做得好好既係佢蜜糖落得好夠,薯仔好脆口。牛柳肉質都控制得非常好。我本人最鐘意既係佢薯仔同肉既比例,因為個人認為,呢碟小菜既靈魂係薯仔度架!連外國朋友試完都話好特別,有小小似一塊牛扒同side dish切開左炒埋黎上,哈哈!
胡椒豬肚湯
我自己本身其實唔太鐘意飲豬肚湯,好怕佢有陣內臟味。點知外國朋友竟然咁有冒險精神,揀左呢個。好彩佢呢度既豬肚洗得好乾淨,胡椒味都好夠!湯係奶白色既,飲落夠辣,朋友都話豬肚唔似食緊內臟!
蠔餅
繼續挑戰地道菜式~煎蠔餅,我解比佢聽係Oyster Pancake,佢聽到一頭霧水,好搞笑。呢度用既蠔夠新鮮,又落得重手,每啖都可以食到蠔仔,蠔仔同蛋漿比例控制得非常好。
瑤柱蛋白炒飯
因為想飽肚,但又唔想食白飯,所以就叫左。驚喜既係佢都炒得夠乾身,粒粒分明。朋友特別鐘意呢個,覺得好港式,又好好味。同樣佢對得起價錢,入面真係有好多瑤柱絲。
埋單唔洗400蚊,可以帶朋友咁樣食一餐小菜,而且係樓上鋪,坐得舒舒服服。推介
张贴